Turmush — Суу ресурстары, айыл чарба жана кайра иштетүү өнөр жайы министрлигинин жетекчилиги Талас облусундагы асыл тукум мал чарбалардын иши менен таанышты.
Маалым болгондой, алар Талас районунун жайгашкан «Кушайын» асыл тукум мал чарбасына да барды. Аталган чарбада учурда сементал породасындагы 24 саан уй, 1 бука жана торпок багылып жатат. Күндөлүк өндүрүш көлөмү 480-500 литр сүттү түзүп, анын майлуулугу 4% жетет.
Талас районуна караштуу Беш-Таш айыл аймагында жайгашкан «Ботиков Марс» асыл тукум мал чарбасында сементал породасындагы 31 саан уй жана эт багытындагы, ангус породасындагы 70 уй жана торпоктор багылып жатат. Күндөлүк өндүрүш көлөмү 550-600 литр сүттү түзүп, анын майлуулугу 4% жетет.