Turmush — Ош облусунун аймагында жаңы 2 айылдык милиция бөлүмчөсүнүн жаңы имараты пайдаланууга берилди. Бул тууралуу Ош ОИИБдин басма сөз кызматы билдирди.
2026-жылдын 21-мартында президент Садыр Жапаров өлкөнүн 5 облусунда ИИМдин 26 жаңы имаратын онлайн ачты.
Анын ичинде Ош облусунун Кара-Суу районунда Папан айылдык милиция бөлүмчөсү жана Ноокат районунда Көк-Жар айылдык милиция бөлүмчөсү ОИИБдин башчысы Нурланбек Бурканов баштаган башкармалыктын жетекчилиги жана жергиликтүү бийлик өкүлдөрүнүн катышуусунда пайдаланууга берилди.
Жаңы имараттардын курулушу республикалык бюджеттен каржыланып, заманбап стандарттарга ылайык ишке ашырылды. Айылдык милиция бөлүмчөсүндө кызматкерлер үчүн иш бөлмөлөр, жыйындар залы, эс алуучу кааналар жана башка зарыл шарттар түзүлгөн.
Бул аракеттер кызматкерлердин иштөө мүмкүнчүлүгүн жакшыртуу жана жарандарга сапаттуу кызмат көрсөтүү максатын көздөйт.